நீதிமன்றத்துக்கு முன்னால் ஆயுததாரிகளால் கைதி கடத்தல்

கொழும்பு நீதவான் நீதிமன்றத்திற்கு முன்னால் ஆயுததாரிகளால் கைதியொருவர் கடத்திச் செல்லப்பட்டுள்ளதாக பொலிஸ் ஊடகப்பேச்சாளர் அஜித்ரோஹண  இணையத்தளத்துக்குத் தெரிவித்தார்.
வெலிக்கடைச் சிறைச்சாலையில் இருந்து வழக்கு விசாரணைக்காக இன்று கொண்டுவரப்பட்ட கைதியொருவரே இவ்வாறு கடத்தப்பட்டுள்ளார். 52 வயதான தெமட்டகொட பகுதியைச் சேர்ந்த நபரொருவரே இவ்வாறு கடத்திச் செல்லப்பட்டுள்ளதாகத் தெரிய வருவதுடன் இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.