100 நாள் ஓடுமா? விஜய் பயம்!

இதுவரை இல்லாத புது விஜய்யை பார்க்க முடிகிறது இப்போது. வேறொன்றுமில்லை, பயம்! விஜய் படங்கள் ரிலீஸ் ஆன பிறகும் அவரைத் தொடர்புகொண்டு படம் குறித்து விவாதிக்க முடியாத அளவுக்குத் தொலை தூரத்தில் இருப்பவர், இப்போது கொஞ்சம் நெருக்கம் காட்டுகிறார் பத்திரிகையாளர்களிடம்.

வேட்டைக்காரன் ரிலீஸ் ஆன முதல் நாளே முன்னணி பத்திரிகையாளர்கள் சிலருக்கு விஜய்க்கு நெருக்கமானவர்கள் போன் அடித்தார்கள். படம் எப்படியிருக்கு, 100 நாள் ஓடுமா என்றெல்லாம் விசாரிப்பு. தானே போன் செய்தால் சரியான ரிசல்ட் கிடைக்காது என்பதால் இந்த நெருக்கமானவர்களை விட்டு விசாரித்தார் போலிருக்கிறது. வெளிப்படையாகக் கருத்துக் கூறினார்களாம் சில பத்திரிகையாளர்களும்.

இன்னொரு தகவலும் ஆச்சர்யத்தைத் தருகிறது. அவதார் போட்டிக்கு வந்துவிட்டதல்லவா? படம் போணியானால் போதும் என்ற முடிவில் கண்ட தியேட்டருக்கும் படத்தைக் கொடுத்துவிட்டார்களாம். திருச்சி அருகே உள்ள ஒரு சிற்றூரில் டூரிங் டாக்கீசில் வேட்டைக்காரன் ரிலீஸ் ஆகியிருக்கிறது. ஒரு பெரிய நடிகரின் படம் டுரிங் டாக்கீசில் ரிலீஸ் ஆவது 75 ஆண்டு காலத் தமிழ் சினிமா வரலாற்றில் இல்லாத விஷயம் என்கிறார்கள்.